ޙަސަން މައިމުންދީ ކައިރީގައި ސުވާލުކުރެވުނެވެ: ”ސުލްޠާނު މަޙްމޫދުގެ އަރިހުގައި އެއިން ކޮންމެ މީހަކީ ދުނިޔޭގެ ޢަޖާއިބަކަށް ވާނޭ ފަދަ ރީތި އަޅުން ތިބި އިރު، އެއިން އެއްވެސް މީހަކަށް ނުބަހައްޓަވާ ލޯތްބާއި ކުލުނު އިޔާޒަށް އެ މަނިކުފާނު ބަހައްޓަވަނީ ކީއްވެގެންތޯއެވެ؟ އޭނާ ސަފުން އެހެން މީހުންނަށް ވުރެ ރީތީކީ ނޫނެވެ.“

ޖަވާބު ދެވުނެވެ: ”ހިތުގެ ތެރެއަށް ވަދެފި އެއްޗެއް ލޮލަށް ރީތި ވެދެއެވެ.“

ހުރިހާ ނުބައިކަމެއް ކުރިއަސް ވާނީ ރަނގަޅު ކަންތައްތަކަށެވެ.

އަޅާލާނޭ އެއްވެސް މީހަކު ނުވާނެއެވެ.

ރުހެވޭނެ އެއްވެސް ސިފައެއް އެއަކުން ނުފެންނާނެއެވެ.

މަދުން ނޫނީ މީހުންނަށް ލިބިފައި ނުވާފަދަ ނާދިރު ރީތި އަޅެއް މަތިވެރި މީހަކަށް ލިބިގެން ވިއެވެ. އޭނާއަށް ސާހިބު މީހާ ނުހަނު ލޯބިކުރަތެވެ. މިހެން މިކަން އޮތަސް، ރައްޓެއްސެއްގެ ކައިރީގައި އޭނާ ބުންޏެވެ: ”އަޅަށް ލިބިފައިވާ ރީތިކަމާއި ރަނގަޅު ސިފަތަކާ އެކު، އޭނާއަށް ދިގުނޫން، ހުތުރުނޫން ދުލެއް ލިބިގެންވީ ނަމައެވެ!“

ޖަވާބުގައި ބުންޏެވެ: ”ބޭބެއެވެ. ރަޙްމަތްތެރިއެކޭ ބުނެފައި، ޚިދުމަތަށް އުއްމީދު ނުކުރާށެވެ. އެއީ ލޯބިވާ މީހާއާއި ލޯބިވީ މީހާއާ ދެމެދުގެ ގުޅުން ޤާއިމްވުމުން، ޚާދިމަކާއި ސާހިބާ އާ ދެމެދު އޮންނަ ގުޅުން ކެނޑޭނެއެވެ.“

ދީންވެރިއަކު، މީހަކާ މަންޖޯޅިޖެހި، މީހުން އޭނާއަށް ކިޔާ އެއްޗިއްސަށް ކެތްތެރިކަން ނެތި، ހަނުހުރުމަށް ހިތްވަރު ގެއްލިފައި ވިއެވެ. ނަމަވެސް، މީހުން ކިޔާ އެއްޗިއްސަކުން، ކުރަންޖެހޭ ހިތާމައަކުން، އޭނާ އެކަމެއް ދޫކޮށެއް ނުލިއެވެ. އޭނާ ބުނެއެވެ:

ފިލަން ދާނަމަ، ފިލަން ދުވެ ދާނީ ތިބާގެ ކައިރިއަށެވެ.

އަހުރެން އޭނާގެ ފާގަތި ފިކުރު ދިޔަ ތަނަކާއި ނަފްސުގެ ދަށް އެދުންތަކަށް ހެސްގަނެފައިވާ ގޮތާ މެދު އެއްޗެތި ގޮވާ ސުވާލުކުރީމެވެ. އިރުކޮޅަކު ވިސްނާލަން އިނދެފައި އޭނާ ޖަވާބު ދިނެވެ.

”ލޯބި ރަސްކަން ކުރަން ފެށުމުން، ތަޤްވާގެ މުލައްދަނޑިން ބާރު ކެނޑެއެވެ.

އެދުންވެރިކަމުގެ ތެރެއަށް ކަރާ ހަމައަށް ގެނބިފައިވާ ބިކަ މީހަކަށް ޠާހިރުކޮށް އުޅެވޭނީ ކިހިނަކުން ހެއްޔެވެ؟“

ޒުވާނަކު އޭނާގެ އުއްމީދުތައް ގެއްލިގެން މި ދުނިޔެއަށް އަލަވަދާޢު ކިޔާ ހިސާބަށް މާޔޫސްވެއްޖެއެވެ. އެއީ އޭނާގެ ލޯބީގެ އަމާޒު ވަނީ ހޯދަން ވަދެވޭނޭ ތަނެއްގައެއް ނޫނެވެ. މަޅިފަތީގައި ދޫނި ޖެހުމާއި، ކާ އެއްޗެއްގެ ޒައްރެއް ދުލުގައި ޖެހުމުގެ އުއްމީދެއް ނެތް ނުރައްކާތެރި ތަނަކަށް އެތަން ވެގެން ވިއެވެ.

ރަނާއި ކިސަޑު ވާނީ ތިބާއަށް އެއް އަގެއްގެ ދެ އެއްޗަށެވެ.

ޙާޞީލްވާނޭ ކަމުގެ އުއްމީދެއް ނެތް އެދުމުގެ މަތިން ހިތް ދޫކޮށްލުމަށް އަހުރެން އޭނާއަށް ނަސޭހަތްތެރިވީމެވެ. ސަބަބަކީ، އޭނާ ފަދައިން އެދުންވެރިކަމުގައި އަޅުވެތިވީ ކިތަންމެ ބަޔަކު، ފައިގެ ކުޑަ ހުޅުތަކުގައި ކަސްތޮޅުއެޅުނެވެ.  ހިތާމަކޮށް އޭނާ ބުންޏެވެ:

އެކަމަކު ރައްޓެހިންނެއް ޔާރުންނަށް ހަމަލައެއް ނުދެއެވެ.“

މަރަށް ބިރުން، ލޯބިވެރިޔާއަށް އޮންނަ ލޯތްބާ ފޭވުމަކީ ލޯބީގެ ޝަރުޠުތަކާ އިދިކޮޅު ކަމެކެވެ.

އެ އެދުމުގައި މަރުވުމަށް ރަޙްމަތްތެރިކަން ބުނެއެވެ.

ނޫންނަމަ، މަރުވާނީ އެކަނބުލޭގެ ގޭގެ އޮޅިމަތީގައެވެ.

އޭނާގެ ރައްޓެހިން އޭނާގެ ޙާލަތު ވިސްނައި، ސަހަރޯވެރިވެ، ނަޞޭޙަތްދީ ބަދަލެއް ނައުމުން އޭނާއާ އަޅާލުމުން ނަތީޖާއެއް ނުނުކުންނާނޭ ކަމަށް ދޫކޮށްލައިފިއެވެ.

ބޭސްވެރިޔާ ބުނަނީ ކެތްތެރިވުމަށެވެ.

”ތިބާގެ ނަފްސަށް ޤަދަރު އޮތްހާ ހިނދު، އަހަރެންގެ ނަފްސުގެ އަގަކީ ތިބާއަށް ކިހާވަރެއް ހެއްޔެވެ؟“

ބުނެވެއެވެ. މި ޒުވާނާގެ ލޯބީގެ މަޤްޞަދަކަށްވާ އެތެރެކޮއިލުގައި އުޅުއްވާ އަމީރަށް މިވާހަކަ ދެންނެވުނެވެ. ރީތިކޮށް ވާހަކަ ދައްކާ ބަނިޔާދަން ޒުވާނަކު އަމީރުގެ ޢަމަލުގައި އާދަޔާ ޚިލާފު ލޯބީގެ ވާހަކަ ދައްކާ ހަދަތެވެ. ހީވަނީ އޭނާގެ ހިތް ދުޅަވެ، ބޮލަށް މޮޔަކަމުގެ ބަލި އެރީހެނެވެ. އަމީރަށް މި އަޑު އިވިވަޑައިގަތުމުން ޒުވާނާއަށް އެ ހާލު ޖެހުމުގައި އޭނާގެ އަސަރެއް ވާކަމަށް ޤަބޫލުފުޅު ކުރެވި، އަހުގައި ބާރަށް ޒުވާނާ އާ ދިމާއަށް ދަތުރުކުރައްވައިފިއެވެ. ޒުވާނާ އަށް އަމީރު ވަޑައިގަންނަވާތަން ފެނުމުން ބުންޏެވެ:

ހީވަނީ އޭނާ ޤަތުލުކުރި ފަރާތަށް ދިއުމަށް އޭނާގެ ހިތް އަނދަނީ ހެނެވެ.“

އަމީރު އޭނޭގެ ހާލުއަހުވާލުން އޯގާތެރި ކަމާއެކު ސުވާލުކޮށް ހެއްދެވުމުން ވެސް، ޒުވާނާ ލޯބީގެ ކަނޑުގެ އަޑީގައި ވުމުން ނޭވާ ކުރުވެގެން ދެންނެވިއެވެ:

ލޯބީގައި އާވާރާވުމުން ތިބާއަށް އަލިފުބާ ވެސް ނޭނގޭނެއެވެ.

އަމީރު ސުވާލު ކުރެއްވިއެވެ: ”މަށާ ވާހަކަ ނުދައްކަނީ ކީއްވެ ހެއްޔެވެ؟ އަހުރެންނަކީ ވެސް ދަރުވޭސީންގެ ޚަލްޤާއެއްގެ މީހަކީމެވެ. އަދި އިތުރަށް ބުނަން ހެއްޔެވެ؟ އަހުރެން ވަނީ އެބައިމީހުންގެ ޚިދުމަތުގައެވެ. އޭނާގެ ލޯބިވެރިޔާގެ އެކުވެރި ވާހަކަތަކުގެ ހިތްވަރުން، ބާރަށް ޖަހަމުންދާ ލޯބީގެ ރާޅުތަކުން ބޯ އުފުލާލާފައި ބުންޏެވެ:

تو بگفتن اندر آئي و مرا سخن بماند!

(ތަރުޖަމާ ގައި މައްސަލައެއް އެބަ އުޅެއެވެ.)

މި ލަފުޒުތައް އިއްވާފައި އޭނާ ދިރިހުރުމަށް އަލްވަދާޢު ކިޔައިފިއެވެ.

ދިރިހުއްޓާ ސަލާމަތުން އޭނާ ފިލުން ޢަޖާއިބުކަން މާ ބޮޑުވާނެއެވެ.

މަދަރުސާ ކުއްޖެއްގެ ފުރިހަމަ ރީތިކަމާއި ބަނިޔާދަން ކަމުން، އެކުއްޖާގެ އެދުރުމީހާ، އިންސާނުންގެ ޠަބީޢަތާ އެއްފަދައިން، އެކުއްޖާގެ މައްޗަށް ހިތް ލެބުނު މިންވަރުން މި ޅެން ކިޔާ ފަހަރު އައުދެއެވެ.

އެ ކުއްޖާ އެދުރަށް ބުންޏެވެ:

”އަހުރެންގެ ކިޔެވުން މިޞްރާބު ކުރާ ފަދައިން، އަހުރެންގެ އުޅުން ވެސް ވަކިގޮތަކަށް ހާނާދޭށެވެ.

ނުރުހެވިގެންވާ ގޮތެއް އަހުރެންގެ އުޅުމުން ފެނިއްޖެ ނަމަ، އަހުރެންނަށް އެކަމެއް ރުހެވިގެން ވިއަސް، އެކަމެއްގެ މަތިން އަހުރެންނަށް ޚަބަރު ކޮށްދޭށެވެ. އެއިރުން އެކަމެއް ރަނގަޅުކުރެވޭތޯ އަހުރެންނަށް ގަދަޔަށް މަސައްކަތް ކުރެވޭނެއެވެ.“

އެދުރު ޖަވާބު ދިނެވެ:

ތި އެދުން އެހެން މީހެއްގެ ކައިރީގައި ބުނާށެވެ.  އަހުރެން ތިބާއަށް ބެލުމުން، ރަނގަޅު ނޫން ސިފައެއް ނުފެނެއެވެ.

އެއް ރެޔަކު، އަހުރެންގެ ވަރަށް ގާތް ޔާރަކު އައުމުން، ދިއްލާފައި ހުރި ބައްތިއަށް ފަރުވާ ނުބަހައްޓާ ކުއްލިއަކަށް ތެދުވުމުން އަތުކުރިން ޖެހި ބައްތި ނިވިއްޖެއެވެ. ރޭގަނޑުގައި ކަޝްފުވި ރޫޙެއްގެ ސަބަބުން އަނދިރިކަން ފިލައްޖެއެވެ. އަހުރެންގެ ނަޞީބާ މެދު އާސޯޚުވެގެން މި އުފާވެރިކަން އައީ ކޮންތަނަކުންތޯ ގޮވާލީމެވެ.

އިށީންނަމުން، ވަންނަތަން ފެނުމުން އަހުރެންގެ އަތުކުރިން ޖަހާ ބައްތި ނިވާލީކަމަށް ނުރުހިފައި އޭނާ ބުންޏެވެ. އަހުރެން ބުނީމެވެ: ”އަހުރެން ހީކުރީ ފަތިހުގެ އިރު ވިލުނީކަމަށެވެ. އެއީ ޙިކްމަތްތެރިން މިހެން ބުނެފައިވާ ފަދައިންނެވެ.“

ނުފެނި ގިނަ ޒަމާންތަކެއްވެފައިވާ ރަޙްމަތްތެރިއަކު ފެނުމުން، އޭނާ އުޅުނީ ކޮންތާކުތޯ އާއި ނުފެނި ގިނަ ދުވަސްވުމުން ހިތާމަކުރާކަމަށް ބުނުމުން ޖަވާބުގައި ބުންޏެވެ:

ހިތް ހަމަ ޖެހުމަށް ވުރެ ކަމަކަށް އެދުމުގައި ވުން މާ ރަނގަޅެވެ.

އެކަބުލޭގެ ހިނިތުންވަމުން ބުންޏެވެ:

ސަޢުދީއެވެ. އަހުރެންނަކީ ޖަމާޢަތުގެ ބައްތިއެވެ.

ޕަރުވާނާއެއް އަމިއްލަ އަށް މަރުވިއަސް މަށަށް ކީއްހެއްޔެވެ؟

އެއް އޮށެއްގައިވާ ދެ މާކަނަމަދު ހާ ގާތްކޮށް މީހަކާ އެކުގައި، މާ ކުރީ ޒަމާނެއްގައި، އަހަރެން އުޅުނު ހަނދާން ވެއެވެ. ދެން ކުއްލި ގޮތަކަށް އަހުރެމެން ދުރުވެއްޖެއެވެ. އެކަމަކު ދުވަސް ގަނޑެއްގެ ފަހުން ރަޙްމަތްތެރިޔާ އަހުރެންގެ ކައިރިއަށް އަނބުރާ އަތުވެއްޖެއެވެ. ނުފެނި އެހާ ދުވަސްވީ އިރު، އޭނާގެ ހާލު ބަލަން އަހުރެން މީހަކު ނުފޮނުވީ ކީއްވެގެންތޯ އަހައި އޭނާ، އަހުރެން އިލްޒާމްކޮށްފިއެވެ. ޖަވާބުގައި އަހުރެން ބުނީމެވެ:

”ކަލާ ފެނުމުން ފޮނުވާ މީހާގެ ލޯ އުފަލުން ފޮޅި، އެ އުފާ އަހުރެންނަށް ނުލިބުމަކީ އަހުރެން އެދޭ ގޮތަކަށް ނުވާތީއެވެ.“

ތިބާއަށް އެނގޭނޭ ފަދައިން އެ ދުވަސްވަރު ކަންތައްތައް ވާގޮތަށް، ޒުވާންކަމުގެ މަޖާ ދުވަސްވަރު، އަހުރެންގެ ވަރަށް ގާތް ޔާރަކު ވިއެވެ. އޭނާއަށް ޖާދުވީ އަޑަކާއި ހަނދު ރޭގަނޑަށް ވިލޭއިރު ހުންނަ ރީތި ސިފަ ލިބިގެން ވިއެވެ.

އޭނާގެ ފަރާތުން އިންސާނީ ޠަބީޢަތާ ޚިލާފު އަހުރެން ނުރުހޭ ކަމެއް ފެނުމުން، އަހުރެންގެ މުންޑުގެ ފަސްބައި އޭނާގެ ފަރާތުން އެއްކައިރިކޮށް، ރަޙްމަތްތެރިކަމުގެ ރާޒުވާގެ ކުޅިތައް ނަގައި، ބުނީމެވެ:

އޭނާ ދަމުން މިހެން ބުނި އަޑުއެހީމެވެ:

”ވައު އިރާ ގުޅުމެއް ބާއްވަން ބޭނުންނުވުމުން އިރުގެ ފުރިހަމަކަން އުންޏެއް ނުވާނެއެވެ.“

މިހެން ބުނެފައި އޭނާ ހިނގައްޖެއެވެ. އޭނާގެ ވަކިވުމުން އަހުރެންނަށް ނުބައި އަސަރުތަކެއް ކުރިއެވެ.

ﷲ އަށް ޙަމްދު ހުއްޓެވެ. އޭނާ ދުވަސްގަޑަކަށް ފަހު އެނބުރި އައެވެ. ނަމަވެސް، އޭނާގެ ހިތްގައިމު އަޑުވަނީ ބަދަލުވެފައެވެ. ޔޫސުފީ ރީތިކަށް ފަނޑުވެފައެވެ. ސަފަރުޖިލެއްގެ ތޮށިގަނޑަށް ކިލާ ބުރާފައި ހުންނަހެން، އާފަލުގެ ފަދަ ހަންގަނޑު ރޫޖެހިފައި ވިއެވެ. އެހެންކަމުން އޭނާގެ ރީތިކަން އޭނާ ދޫކޮށް ގޮސްފައި ވިއެވެ. އޭނާ އާ ބަޣަލްކީރު ކުރުމަށް ބުނުމުން އަހުރެން އެކަން އަދާކޮށްފައި ބުނީމެވެ.

(ދިހަ ބައިތު ތަރުޖަމާނުކޮށް ދޫކޮށްލާފައި ވެއެވެ.)

ބަޣްދާދުގެ މީހެއްގެ ކައިރީގައި ތުބުޅި ނުފަޅާ ޒުވާން ފުރައިގެ ކުދިންނާ ބެހޭ ގޮތުން ސުވާލުކުރީމެވެ. އޭނާ ޖަވާބު ދިނެވެ: ”އެމީހުންގެ ކިބައިގައި ރަނގަޅެއް ނުވެއެވެ. އޭގެ ތެރެއިން ކުއްޖަކު ރީތިވެފައި ހިތްގައިމު ދުވަސްވަރު، ބަނިޔާދަންކަމެއް ނުހުރެއެވެ. އޭނާ ނޭއްދާރުވެ މީހުން ބޭނުން ނުވާއިރު، ރުހުން ހޯދަން މީހުން ގުޅި އުޅެއެވެ.“